Month: September 2024
RanG #712 – Yma Lowender ow tos yn skon
- Tycho Brahe – Nicholas Williams
- Nowodhow an Seythen
- Lowender – Jowdy Davey
Kanow an seythen ma
- “Kan ha diskan” – Artydhyon Lowender Peran 2019
- “Spern Gwydn on ni” – Laurie Huggett
- “An eos hweg” – Yowan Tresidder Tonkin
- “Calish luck” – Jon ha Phili Mills
- “Naw mab hardh” – John Bolitho
- “Mowes a Lulyn” – Matt Blewett
- “Kan Jack” – System Son Kernow
- “Kan an Tewyn” – Minko
- “War lann an gover” – James Hawken
- “Holya spyrys tramor” – Levow Kemeneth Bre Derrys
- “Re bo dhis lowena” – Skwardya
Nowodhow An Seythen
Yth esa towl y dhrehevel dhe Drelosk avel rann an dowlen rag klavjiow nowydh argemmynnys nans yw pymp bledhen gans an Governans Tori.
Meur a nowodhow a veu gwres pan dheuth Boris Johnson dhe’n klavji.
Dargenys veu kost an klavji tri-hans-saw-naw milvil peuns hag ambosys veu y worfenna erbyn dew-vil-eth-warn-ugens.
Yma dout gans pymp klavji nowydh warn ugens wosa Skrifenyas Yeghes nowydh, Wes Streeting, dhe lonchya daswel.
***
Yma own dhe byskadoryon yn Kernow awos towl dhe dhisplegya bargen-tiryow gwyns y’n mor a-derdro dhe’gan arvor.
Stat an Gurun a bew gweli an mor hag yma profyans war vappa nowydh.
Nebes an tylleryow a via gorrys yn ogas ha Syllan ha Penn an Wlas.
Pyskadoryon a grys an towl ma dhe dhistrui aga negys.
***
Gool Pasti Resrudh a veu dileys yn seythen yw passys awos hager awel.
Tewlys veu stallys, menestrouthi ha meur a voos hengovek – byttegyns an gewer o re euthyk yn myttin.
Yth esa livyow, taran, lughes ha glaw poos. Ray ha Denise Chubb eth dhe’n dre myttin Sadorn gans govenek dhedha a weles neppyth ow hwarvos…
<<RAY HA DENISE>>
***
Klavji Reunyon Gwig re solempnyas pennbloodh hanter-kansves y gottha reun.
Sheba a veu diskudhys gans pystigow gans Ken Jones mil-naw-kans peswardhek-ha-tri-ugens.
Yth esa klevesans lagas dhedhi – mes hi a wrug bewa deg-bledhen ha dew ugans wosa hy bos dyghtys.
Dre vras, reunyon a vew bys yn deg bloodh warn ugens.
Dell hevel, Sheba yw an kottha reun yn-dann with a bobel.
Awos henna, synsys veu kevewi rygdhi gans bagas brest ha tesen gwres a buskes ha rew.
- Ple’ma an gool an vledhen ma?
Y fydh yn Resrudh yn mis Hedra. Yma’n skol rag hwarvosow dons ha hweljiow, an eglos Wesley rag kescanow, an diwotti Resoghen rag esedhogow ha neppyth nowydh rag an bledhen ma, an Buttermarket nowydh-ygerys rag boos hag ilow. An Buttermarket yw displegyans yntanus yn Resrudh – kresen rag boos ha gonisogeth ha lowen on nis bos ena rag an gool. Y fydh ynwedh barr dhe’n, ha pastiow ha krampothennow ena dhe wertha.
- Eus bagasdow dhyworth powyow Keltek erel?
Eus, yma bagas dons a dhyworth Kembra, bagas yowynk dhyworth Alban an ‘ Ceilidh Trail’ hag bagas fest noz dhyworth Breten Vyghan gans kanoryon yn yeth Bretonnek, hag ynwedh ilow dhyworth Iwrdhon ha Mannow. Yma ynwedh kescan arbennek gans gwaryoryon Kernewek, Albanek ha Livonian.
- Pyth yw an kescan arbennek ma?
Kescan gans kanow yn Kernewek, Albanek ha Livonian yw, ow hwithra yethow minoryta hag aga kevrennow gans an bys naturel. Gwarioryon y fydh Laurie Huggett, Annie Baylis ha Tricia Salt a dhyworth Kernow (kevrenogyon y’n Annedhyans Yeth Kernewek Endelienta), Mischa McPherson dhyworth Alban hag Julgī Stalte dhyworth Latvi. Dres an gescan y fydh ynwedh an gynsa performyans dhe fylm berr nowdyh dhyworth askorrer David Bickley, ‘Dhuwow Koth’, gans bardhonieth yn Kernewek.
- Eus kescannow erel?
Eus, yma Kescan Hengovyow Seweni, gans gwarioryon yowynk dhyworth Kernow hag Alban, hag yn aga mysk gwrythyans dhyworth ‘Keuryow Yowynkneth Kernow’ gans kanow nowydh y’n yeth Kernewek.
- Eus neppyth aral y’n yeth Kernewek?
Eus, yma gonis arbennek yn Kernewek ha Sowsnek dy’Sul myttin, gans gwarioryon dhyworth an gool, y’n eglos Wesley, ha ‘Shout dy’Sul’, y’ga mysk bagasow kepar ha The Oggymen hag Acapella Moonshine, gans kanow yn Kernwek ha Sowsnek.
RanG #711 – Daswel Bos Fest Lowen
- Albert Dreyfus – Nicholas Williams
- Nowodhow an Seythen
- Daswel Bos Fest Lowen – Esther Johns
Kanow an seythen ma
- “Wondrous works, Daniel Cooper,Silver Buttons, Woolley Monkey” – Radgel
- “Towl an kynsa men” – Graham Sandercock
- “Jig Seythyn” – Asteveryn
- “Lethvyrges yn bleujen” – Ronnie Cox
- “Synsi ow thir” – Trev Lawrence
- “Nansavallen” – Caracana
- “Hunrosow” – Julie Elwin
- “Antemptna Kernewek” – Simon Glanville
- “An dherwen” – System Son Kernow gans Simon Glanville
- “Maggie May’s Dubpipe” – System Son Kernow
- “Men Selevan” – Phil Knight
Nowodhow An Seythen
RanG #710 – Dehwelyans dhe’n klassow
- Londonderry – Nicholas Williams
- Nowodhow an Seythen
- Dehwelyans dhe’n klassow
Kanow an seythen ma
- “Towl Ros” – Brenda Wootton
- “Estren dyworth an mor” – Holan hag Ebron
- “Goen las” – Penntorr
- “Pennladron” – Mick Paynter
- “Dehwel dhymm” – Skwardya
- “Dos a wra agan dydh” – Florence MacDonald
- “Gwedren Kescar” – Tir ha Tavas
- ” ” – The Brim
- “Boscastle Breakdown, Zeak Waltz” – The Old Lone Gin Band
- “Descent” – Dalla
Nowodhow An Seythen
Yma pobel yn bys an taves Kernewek ow kyni Kernewegor meurgerys… Julyan Holmes.
Ev a wre triga yn Sen Keyn ha pewa gwerthji stoffys artydhyon yn Stret West, Lyskerrys.
Julyan o meur-aswonnys y’n dre awos y vos hwegh troshes ha peswar gans gols melyn ha barv bras.
Prout ova y vos Kernow teythyek ha bardh ynwedh.
Kernewegor freth ova ha meur a veu gwrys ganso yn unn dreylya tekstow ha gwitha bewnans y’n taves.
Ev a verwis etekves mis Est hevlena pymthek bloodh ha tri ugens y oos.
Radyo an Gernewegva a gewsis ganso dhe Lowender Peran nans yw hwetek bledhen.
<<TROGH1>>
Paul Dunbar a wre y aswon yn ta hag ev trigys yn Lyskerrys y honan…
<<TROGH2>>
***
Esel senedh Livwer rag Kernow West ha Syllan, Andrew George, re leveris dhe Ji an Gemmynyon bos studh euthek drog gans chiow yn Kernow.
Ev a gedhlas dhe Venyster Annedhi nowydh, Matthew Pennycook, bos seyth warn ugens mil person war an rol ow kortos chi y’n Dugeth.
An menyster re ambosas dhodho ri toulys lowr dhe gonselyow may fo furvys displegyans chiow affordyadow.
***
Yma Ayr-Ambo Kernow ow lonchya kaskyrgh rag arghesa unn askeldro moy.
An alusen a dhallathas avisya bos hwans a gavos dew askeldro y’ga Appel Heli-Dew… gans an lavar: “skoodhyas hedhyw, sawyas bewnans a-vorow.”
***
Losow debradow re beu hasys yn tylleryow poblek a-hes Kernow dre weres arghesans an Governans.
Res veu dhe’n Konsel ogas ha milvil peuns dh’y wul dhyworth an Arghas Sewenyans Kevrennys.
Y fydh boos gwyls gorrys y’n keow hag erel may fo boos frank ena rag pubonan.
An mona a wra dura bys mis Meurth a dheu.
Y fydh moy nowodhow nessa seythen
RanG #709 – Kyns Gorsedh Kernow
- Louis Feutren – Nicholas Williams
- Nowodhow an Seythen
- Jenefer Lowe a gews war an Orsedh
- Adam Wheeler – Kernowyon y’n Karib
Kanow an seythen ma
- “Feri Tregi” – System Son Kernow gans Jon Mills (dhyworth ton ‘Tregajorran Furry’ gans Neil Davey)
- “An difunyans” – Bucca
- “Kerra Kernow” – Perraners
- “Sav yn bann” – Skwardya
- “Yeuni” – Sophie Rose
- “Kumbya Kernewek” – Kewbanda
- “Bro goth agan tasow” – Keur Heb Hanow
- “Rattler Reel” – Kerensa Wright
- “Hayl dha’gan mammvro” – 4 in a bar
- “Kernow, ow thre” – Will Keating
Nowodhow An Seythen
Y fydh Konsel Kernow ow skrifa dhe is-pennmenyster Angela Rayner yn unn wovyn gallos efanna ha downna.
Kernow a naghas digresennans gans mer nans yw kott-dermyn… ha lemmyn Yma hwans a gavos kevambos krev.
Digresennans a allsa ri dhynn moy a gontrol war adhyskans, tollow leel ha nerth glas.
***
Prys trist yw dhe’n taves y’n seythen yw passys wosa gwerthji Kowsva dhe dhegea.
An gwerthji a wre gwertha lyvrow ha tacklow divers gans Kernewek ynna.
Kowethas an Yeth Kernewek a erviras y dhegea wosa lies bledhen yn Krestir.
Johanna Harvey a wrug gweres yn unn sortya lyvrow kyns degea…
<<>>
Kowethas an Yeth a wra pesya yn dann wertha lyvrow hag erel warlinen.
***
Ny vydh synsys Gool Ester Aberfala namoy.
An bobel a-dryv dh’y restra a grys nag yw an mona sostenadow na fella.
Synsys re beu an gool dres hwegh bledhen warn ugens.
Yma towl dhe wul gool dasfurvys nessa bledhen Mis Hedra.
***
Gwithti priweyth Leach re waynyas tri milvil peuns ha hanter.
Lotteri Kenedhlek a ros an arghesans dhe’n virva yn Porthia.
An mona a vydh spenys yn unn wellhe drehevyansow istorek ha gul displetyansow nowydh.
______________________
Kernowyon y’n Karib
_____
M: Pyth yw an ragdres “An Gernowyon y’n Karib”.
A: Nans yw pymp bledhen, yth esen vy ow kewsel gans Nigel Nethersole a-dro dhe ilow Karib, hag ev a’m lendyas an lyver “An Gernowyon y’n Karib, 17ves dhe 19ves Kansvledhynnyow”, skifys a-gynsow gans Sue Appleby. Da o genev an lyver ha my a dhiskwedhas an lyver dhe Graham Gynn, ilewydh aral y’n bagas Kewbanda. An lyver ma a’gan awenis dhe dhalleth skrifa kuntell a ganow nowydh, oll selys war hwedlow y’n chapters diffrans. Ni a dhallethas y’n termyn yn-dann alweyth, hag wortiwedh ni a dhellos CD nowydh, gans 14 kan nowydh. Rag ensampel, nebes a’n kanow a dheskrif an bal den Kernewek piw a wre oberi y’n balyow cober dhe Cuba, hag oll an kudynnow gans karyans a-dreus dhe’n keynvor hag an fordhow y’n Cuba, keffrys an bewnans kales rag an tus bal ha’ga theylu y’n tylleryow ryb an balyow.
M: Prag y viajya tus Kernewek deh’n Karib?
A: An Gernowyon a viajya dh’n Karib rag achesonow diffrans, y’ga mysk balweyth owr ha cober, rag trevisiga wosa an Bresel Diabarth Pow Sows, kanasethow gryjyk, kenwerth an morlu hag an lu lestri. Rag lies den, bewnans o pur gales, hag y’n sewyans yth esa lies a verwis dhiworth tarhen velyn ha malaria.
M: Piw yw an bagas Kewbanda?
A: Yma tri den yn Kewbanda lemmyn, a sen ilow-bys dre vras, yn gis Latinek. Graham Gynn a sen Cuatro ha Tres, Mark Oxenham a sen tabouryow, ha my a sen gitar ha kana. Ni oll a seni rag bagasow Latinek kyns. Dre vras, ni a sen agan kanow agan honan, yn Spaynek, Sowsnek ha Kernewek.
M: Piw yw Sue Appleby.
A: Sue yw auwtoures a lyverow istorek, oll gans kevrennow Kernewek. Hi a’s teves hendasow Kernewek, ha hi re oberis ha triga y’n Karib a-dhia an bledhynnyow nownsek tri ugens. An vledhen ma, hi re dhellos hy lyvrow nowydh, henwys “Gwragedh-Mammow-Myrghes-Gwedhwesow: Kernewesow y’n Karib.”
M: Pyth yw an hwarvos dhe ‘The Poly’?
A: Ni re restras keskan dhe ‘The Poly’, yn Aberfal, le may performyn agan kanow nowydh, ha Sue Appleby a vydh ena ynwedh, rag keswel a-dro dh’y lyver hag an hwedhlow y’n kanow.
M: Eus towlow rag gul versyons Kernwek a’n kanow?
A: A-lemmyn oll an kannow yw skrifys yn Sowsnek. My re dhallethas an argerdh dhe dreylya nebes anedha dhe Gernewek.
M: Pyth yw an manylyon rag an diskwedhyans?
A: An keskan a wra dalleth dhe 7.30wh yn ‘The Poly’, yn Aberfal, dy-Gwener, 13ves mis Gwynngala.