• Odovaker – Nicholas Williams
• Nowodhow an Seythen
• Jenefer Lowe a gews war woel an Oriant war y lergh

Kanow an seythen ma

• “Inis Oírr” – Tony Dixon, Dave Cox, Susan Cleave & Mike Pritchard
• “She moved through the fair” (yn Manowek) – Ruth Ceggin
• “Ny won” – Tan ha Dowr
• “Maggi Me” – John Bolitho
• “Hwath moy” – Tallessyn Grenfell-Lee
• “Gas vy a’m growedh” – Simon Glanville
• “Keskowethyans down” – Frances Bennett
• “An alargh” – Ray Chubb
• “Plethen Lulyn” – Ilewydhyon Gemmyskys yn Seiners
• “Angowlwrians” – Ragamuffin

Nowodhow An Seythen

Yma esel senedh nowydh dhe Gernow West ha Syllan, Andrew George, owth ynnia dhe’n Governans dhe worra chiow yn Kernow orth penn an dowlen-ober.
Yma ev ow lonchya y gaskyrgh warlergh areth Syr Keir Starmer… neb a leveris bos tacklow dhe vos dhe weth kyns es mos dhe well.
Mester George a grys chiow nowydh dhe vos polisi a les dhe’n Governans Lavur – neb a gommytyas dhe dhrehevel milvil chi nowydh ha hanter dres termyn an governans ma.
Ev re gavas dadhel gans Menyster Chiow Matthew Pennycook nawves mis Gwynngala.
***
Bledhen sewen o arta dhe baloresow yn Kernow.
Kans paloresik hag eth a veu megys gans pymp kopel ha hanter kans.
Saw peder paloresik le ages warlena o.
An bobel neb a ober yn tywysyk dhe’ga sawya a lever bos an kaskyrgh a bes wosa ugens bledhen a sewena.
***
An Varghas Amanen yn Resrudh a vydh ow tasigeri nessa mis wosa bos daswrys.
An drehevhyans yw gwithys war rol nessa gradh hag a veu byldys yn kensa mil naw kans pymp warn ugens.
Gwrys veu rag gwertha kig mes lemmyn usys vydh gans lies sort a negys.
Kost an gweythyow yw peswar milvil peuns.
***
Boksuser galwesik a Gernow re gavas pewas burjeseth.
Brad Pauls, unnek bloedh warn ugens y oes, a Dewyn Blustri a dheuth ha bos kampyer kresposter mis Gortheren.
Ev a fethas Nathan Heaney yn dewdhekves rond yn Birmingham.
Konsel an Dre Tewyn Blustri a ros dhodho an pewas rag kowlwrians a bris.
Y fydh moy nowodhow nessa seythen.