An Radyo 060 – Arwodhyow Diwyethek
Dyllo dy' Gwener 30 mis Genver 2026, gans Matthew Clarke. An dowlenn ma a dhur 58 mynysen hag a gomprehend yeth Kernewek, nowodhow ha ilow.

Nowodhow an seythen
Yma nowodhow an seythen ow komprehendya Nowodhow an Norvys Keltek gans Jerry Sethir, ha'n pennskrif 'dhe voy dhe well' gans Nicholas Williams.
Kanow an seythen ma
- “Bothan Crothan” – Eleth
- “Gwreiddiau” – Swnami
- “Tus a bell” – Simon Glanville
- “An baner anken” – Spit
- “Fonn na Saoirse” – Cian Mac Giarailt
- “Bys Jenna” – Molly Biscoe
- “Medhel an gwyns” – Mike O Connor
- “Darzona” – Richard Trethewey
- “Kan an pyskador Kernewek” – Keur heb hanow
- “Jig Seythyn” – Asteveryn
- “Kernewek ov vy” – Phil Innes ha Rosie Bouchard
Nowodhow an Norvys Keltek
Kembra – BBC Kembra
Kansow a eskisyow ha botas gwrys yn blydhynyow a-varr an ugensves kansblydhen re dirhas war dreth dhe Ogmore-by-Sea yn Nans Glamorgan. An eskisyow gwrys a ledher du a veu diskudhys gans bodhogyon hag i ow klanhe pollow-men, hag ymons i ow pos gwithys yn atalgist leun a dhowr hag aga dalleth ow pos hwithrys.
Emma Lamport a'n negys kowethasek Akademi an Treth a leveris bos res dhedhi gwitha an eskisyow dre'n dewdhek mis ow tos ha soedhogyon owth assaya kavoes derivadow yn kever an tyller may teuthons i. Ynwedh, tus erell re dhiskudhas moy anedha y'n keth rann an arvor ha'ga dri dhedhi. Res o dhedhi dannvon derivadow dhe'n Degemmeror a Wrekkys, rann an Maynorieth Vorek ha Gwithysi an Arvor, a wul menystrans war dhafar-grekk a-dreus dhe'n R.U. Hi a leveris Pennskol Kardydh dhe gestava orti ha profya dh'aga gwitha. Yma govenek dhedhi aga gul yndella wosa bos afydhys gans an Maynorieth.
Ynwedh, hi re dhegemeras govynnow a-dhiworth tus oll a-dreus dhe'n norvys y'ga hever ha hi re gavas trevow nowydh ragdha, y'ga mysk: diskwedhva artweyth, studhoryon yn pennskolyow, gwithtiow hag eskisysi hogen. A nowodhow a-dro dhe'n eskisyow re dhrehedhas tus yn Amerika, Mordir Nowydh, Ostrali ha oll a-dreus dhe Europa.
Emma a igoras an Akademi dhe wul ragdres daswrians war an treth a-dhia mis Gwynngala rag y gempenna. Keffrys ha'n eskisyow i re dhiskudhas kanna Pepsi diworth mil naw kans trydhek warn ugens ha pibenn kedhow Colemans a-dhiworth an tressa degvlydhen. Emma a leveris: 'henn yw skila an ragdres, an draow ma a dhiskwedh py hirder a dermyn a yll durya traow a'n par na mar nyns yns i skoellys yn ewn!'
Iwerdhon – RTÉ
Y feu gwrys an kynsa warn ugens 'Tradfest' y'n pennseythun yw passys ha dhodho an thema 'kolonn ha ceol' gans gwrythyansow anformel y'n spasow poblek haval orth tylleryow istorek ha kresennow-brenassa. An goel a dhallathas nans yw moy ages ugens blydhen yn kres sita Dublin ha lemmyn gwrys yw yn pennsita pub rann an vro, gans Dún Laoghaire ow kul rann anodho y'n kynsa tro y'n vlydhen ma.
Tradfest yw an bassa solempnyans a ilow hengovek yn Iwerdhon hag ilewydhyon a-dreus dhe Iwerdhon a dheu warbarth rag omlowenhe yn towlenn vysi a hwarvosow. Lewyas an goel, Kieran Hanrahan, a leveris: 'Ilewydhyon pals a lever bos da gansa Tradfest drefenn ev dhe brofya orta chons a omdhiskwedhes yn kres sita Dublin, hag yw neppyth nag eus chons dhedha a gavoes yn es lieskweyth.'
Yth esa Mike Hanrahan a vand a-vri, Stockton's Wing, orth lonchva an goel hag ev a leveris ena: 'Tennvos duryadow Tradfest yw selys war an tybyans a avonsya an ilewydhyon ha skriforyon yowynkka, ha solempnya gans an dus re beu omma dre dermyn hirra, ha kemmysk splann yw. Yma chons rag oll ahanan dhe dhos ha seni warbarth, dos erbynn an artydhyon yowynkka ha gweles piw eus ow tos war-rag, ha henn yw rann y bystri; treushenedhek yw.'
Alban – STV
Portrayans a vardh kennedhlek Alban, Robert Burns, hag a veu kevys moy ages dew kans blydhen wosa disomdhiskwedhes re beu displegys yn poblek y'n kynsa tro. An portrayans gwrys gans Sir Henry Raeburn, lymner personel an peswara Myghtern Jori, re bia kellys a-dro dhe dhew kans hag ugens blydhen mes ev a veu diskudhys y'n vlydhen usi passys der wagheans chi yn Surrey.
An lymnans, dallethys yn mil, eth kans ha tri a veu prenys orth kost a beswar ha peswar ugens mil, tri hans hag ugens peuns yn strifwerth yn Loundres termyn kott wosa bos diskudhys. Gwerthys veu dhe William Zachs, den gwresek a-dro dhe ober Burns ha lywyer Gwithti ha Lyverva Chi Blakki, Dinedin. Ev re ros an lymnans yn kendon dhe'n Virva Gennedhlek ena.
Tus a gar bardhonieth hag artweyth a allas gweles an portrayans, heb kost, dhe'n virva kyns Nos Burns. An lymnans a vydh mos dhe Withti Dinethva Robert Burns yn Alloway, Ayrshire Soth. Wosa diskudhans an lymnans, glanhes o ev ha hwithrys yn halwesik ha konnygyon a afydhyas bos ev an artweyth kellys dre bell.
Manow – Radyo Manow
Yma'n helgh ow hwarvos y'n eur ma rag an ethves Bardh Yowynk Manow dhe synsi an titel a-ban veu lonchys yn dew vil ha nownsek. Berdh yowynk ynter deg ha seytek bloedh gans ewl a avonsya ertach unnik an ynys a yll profya tri bardhonek y'n kesstrif kyns seythves warn ugens a vis Hwevrer. An gwaynyer a vydh deklarys dy Gwener an hweghves a vis Meurth der stalashyon yn lyverva Sita Douglas.
Bardh Yownyk y'n eur ma, Ellie Reynolds, a leveris an kusul ma rag ombroforyon a vo: 'My a dybis "y fydhav y wul, prag le, nyns eus travyth a allav kelli dre omworra y'n kesstrif", ha my a sewenis, ytho y leverav "gwra ev". An dra deg a-dro dhe vardhonieth yw, nyns eus gorthyp ewn, pynag a wreller, ewn yw, hag y fydh pur dha gans nebonan.'
Nowodhow an seythen

Pesya re wrug an hager awel yn Kernow. Warlergh Tewedh Goretti yth esa moy a wynsow krev, hager-voryow ha glaw. Yth esa tewedh Chandra y'n seythen yw passys. Kodha a wrug moy a wydh hag yth esa livyow yn lies tyller. Benyn a veu sawyes yn hy harr gans hy heun yn Lostwydhyel, pibow kawgh a wrug asteveri yn Sen Stedhyan ha Dowr Kober a wrug liva yn Hellys.

Governans Breten Veur a garsa lehe niver a gresluyow a hys an pow. Martesen, gorrys warbarth a via Kernow ha Dewnens gans Dorset ha Gwlas an Hav. Byttegyns, yma gorholeth dhe Vebyon Kernow rag kavos kreslu dhe Gernow yn unnik. Konsler Dick Cole a ynnias dhe'n governans yndellma y'n seythen yw passys.
Mona rag skoodhya erbysieth Kernow re droghas yn feur wosa Bretmes. Ottena an pyth yw kynnigas Konsler Tim Dwelly. Ev yw esel kabinet an konsel gans devar dhe dhastrehevel erbysieth agan gwlas. An konsler a leveris bos kans milvil peuns dhyn y'n vledhen dew-vil, byttegyns, skant nag eus saw deg milvil dhyn lemmyn. Hevlena yw an kynsa prys y'n termyn na nag eus mona europek vydh dhyn.

Steren bopp Mika a vydh ow performya dhe'n Sedhogow Edenva an hav ma. Ev a dheuth dhe Gernow yn kynsa dew-vil-ha-deg. Ev yw aswonnys gans y gan "Grace Kelly". An keskan a vydh Mis Gortheren.
Henn yw oll an seythen ma. Y fydh moy nessa seythen.
An Radyo 059 – Yn kov Jim Wearne
Dyllo dy' Gwener 23 mis Genver 2026, gans Matthew Clarke. An dowlenn ma a dhur 58 mynysen hag a gomprehend yeth Kernewek, nowodhow ha ilow.

Ombrofyans Tre a Wonisogeth gans Redruth – gans Will Coleman
Yma ombrofyans Tre a Wonisogeth gans Redruth, komendys gans Will Coleman.
Nowodhow an Norvys Keltek – Jerry Sethir
Yma nowodhow an Norvys Keltek gans Jerry Sethir, ha'n pennskrif 'Grek' gans Nicholas Williams.
Kanow an seythen ma
- “Delyow Sevi” – Jim Wearne
- “Roev sos, roev” – Changing Room
- “Fathainn” – Brian O hEadhra
- “Pennsevik Resruth” – The Way
- “Ryb an lynn” – Minko
- “Margh Arzur” – Dom Duff
- “Yma kan y'n veyn” – An Gof
- “Bro goth agan tasow” – 4 in a bar
- “Mordardh'res” – Jim Wearne
Nowodhow an Norvys Keltek
Kembra – Nation.Cymru
Onan a'n tus yw an gwella aswonnys der ilow yn yeth Kembra re leveris maynys bysyel ha leheans a wober dre gummyas a dhevnydhya aga ober (po 'Royalties' yn Sowsnek) re wrug kyrghynnedh mayth yw analladow dhe wul lowr a arghans dhe vewya dre wul ilow yn yeth Kembra.
Yma Meinir Gwilym yn mysk an artydhyon a wra an moyha a'gan ober yn Kembrek, hag ynwedh presentyores yw hi a dhiskwedhyans nosweyth S4C, Wedi 7, hag ynwedh hi a wra presentyans y'n dowlenn radyo Heart Cymru dhe bennseythunyow. Hi a wrug keswel gans an BBC a-gynsow ha leverel hi dhe alloes bewa yn arghansel gans ilow yn unnik dhe dhalleth hy resegva yn ilow, mes lemmyn, awos chanjyow meur y'n diwysyans, nyns yw henna galladow namoy ha res o dhedhi divershe hy ober hag oberi avel askorrer ha presentyores. Hi a leveris: 'Yth esa...
Gwelewgh ynwedh
Arkiv
- mis Hwevrer 2026
- mis Genver 2026
- mis Kevardhu 2025
- mis Du 2025
- mis Hedra 2025
- mis Gwynngala 2025
- mis Est 2025
- mis Gortheren 2025
- mis Metheven 2025
- mis Me 2025
- mis Ebrel 2025
- mis Meurth 2025
- mis Hwevrer 2025
- mis Genver 2025
- mis Du 2024
- mis Hedra 2024
- mis Gwynngala 2024
- mis Est 2024
- mis Gortheren 2024
- mis Metheven 2024
- mis Me 2024
- mis Ebrel 2024
- mis Meurth 2024
- mis Hwevrer 2024
- mis Genver 2024
- mis Kevardhu 2023
- mis Du 2023
- mis Hedra 2023
- mis Gwynngala 2023
- mis Est 2023
- mis Gortheren 2023
- mis Metheven 2023
- mis Me 2023
- mis Ebrel 2023
- mis Meurth 2023
- mis Hwevrer 2023
- mis Genver 2023
- mis Kevardhu 2022
- mis Du 2022
- mis Hedra 2022
- mis Gwynngala 2022
- mis Est 2022
- mis Gortheren 2022
- mis Metheven 2022
- mis Me 2022
- mis Ebrel 2022
- mis Meurth 2022
- mis Hwevrer 2022
- mis Genver 2022
- mis Kevardhu 2021
- mis Du 2021
- mis Hedra 2021
- mis Gwynngala 2021
- mis Est 2021
- mis Gortheren 2021
- mis Metheven 2021
- mis Me 2021