• Dew lyverji coth – Nicholas Williams
• Nowodhow an Seythen
• Elowen – gans Tamsin Spargo, Yvonne Frankson, Jori Ansell ha Wella Brown

Kanow an seythen ma

• “Pennsevik Resrudh” – The Way
• “Skath Vyghan” – Grenaways
• “An Rosen Wynn” – Simon Glanville
• “The Rose Tree / La Sansonette” – Leski
• “Dons Snod” – Pyba
• “Parra Hern” – Dalla
• “Hungan” – Tir ha Tavas
• “An Difunyans” – Fools Rock
• “Farwel genes Wella” – Brian Webb
• “An Vandana Kernewek” – Ben Bruch

Nowodhow An Seythen

Konsel Kernow re lonchyas hwithrans ow mires orth Gool Boardmasters yn Tewyn Bleustri.
Ymons i ow kul taswel wosa seyth person dhe vos pystigys ena hevlena.
I a veu kemerys dhe Glavji Trelosk ha dyghtys rag pystigow byghan.
Ny vynn kampola vydh Konsel Kernow y’n eur ma hag i ow hwithra pandr’a wrug hwarvos dhe’n gool ilow.
***
Pobel re beu ow kovhe an liv dhe Gastel Boterel y’n seythen yw passys awos y vos nans yw ugens bledhen.
Yth esa tonn bras a dhowr dres an dre yn Kernow Gledh seytekves Mis Est dew-vil-ha-peswar.
Drehevyansow ha kerri a veu distruys gans an ryver neb a wrug gorfrosa yn uskis awos tewedh tromm.
***
Metalow a Gernow, po Cornish Metals, re henwis pennsodhek nowydh.
Don Turvey a vydh ow rewlya an kowethas a-dryv dhe dhasigeri Krofti Deghow wosa Ken Armstrong dhe gildenna ha kemeres le avel lewydh non-exec lemmyn.
Turvey yw tri-ugens bloodh ha pymp ha re wrug oberi y’n moon ha palas moon dres dew-ugens bledhen.
***
Gorsedh Kernow re leveris bos peswar bardh nowydh warn ugens an vledhen ma.
Res vydh dhedha aga fowsow glas hevlena dhe Gelliwik kensa Sadorn Mis Gwynngala.
Y fydh yn mysk anedha kens penn-sodhek Chambour Kenwerth Kernow Kim Conchie hag Emma Jenkin dhyworth Kowethas an Yeth Kernewek.